سندويتش تورتيلا باللحمه المفرومه والجبنه
المقادير:
- معلقة زبده
- ربع كيلو لحمه مفرومه
- رشة فلفل اسود
- رشة ملح
- رشة قرفه
- رشة بهارات لحمه
- ربع كباية بصل مفروم
- ربع فلفل أخضر
- معلقة صلصة طماطم
- ربع كباية مياه
-2 رغيف تورتيلا
- جبنه موزاريلا
طريقة التحضير:
- هندوب الزبده على النار ونضيف اللحمه ونقلبها لحد ما
ميتها تتشرب ولونها يتغير
- نتبلها بالملح والفلفل الاسود والبهارات والقرفه،
- نضيف البصل والفلفل الأخضر ونقلب لحد ما البصل والفلفل
يتبلوا وبعدين نضيف معلقة الصلصله وربع كباية المياه ونقلب
كويس لحد ما اللحمه تستوى.
- نحط رغيف عيش التورتيلا في طاسه تيفال على نار هاديه
ونفرد الجبنه الموتزاريلا ونحط فوقها اللحمه ونحط موتزاريلا
على الوش ونلف العيش ونقفله زى اللي في الصوره كده
- نقلب الرغيف على الوشين لحد ما الوشين يتحمروا.
- نكرر نفس الخطوات دي مع الرغيف التاني وبالهنا والشفا.
طريقة التوميه
- 3 معالق كبيره نشا
- كوب الا ربع مياه
- 3 فصوص توم
-4 معالق كبيره زيت نباتي
- معلقه صغيره عصير ليمون
- نص معلقه صغيره ملح
- نحط النشا مع المياه في طبق على النار، ونحركها لحد
ماتدوب على نار هاديه خالص ونستمر في التقليب لحد
الخليط يبقى تقيل نرفعه من على النار ونسيبه يبرد شويه،
- نفرم التوم ناعم جدا ونحطه في الخلاط مع عصير الليمون
والملح وبعدين نضيف خليط النشا ونضربهم لحد قوامهم يبقا
متماسك.
- نضيف الزيت بالتدريج والخلاط شغال لحد ما نوصل
للكثافه المناسبه واللون الأبيض الكريمي.
- لازم نحطها في التلاجه اقل واجب ساعه قبل التقديم.
طريقة الصوص
2 قرن فلفل حامي مفروم
- فصين توم مفرومين
- بصله صغيره مفرومه
- كبايتين صوص طماطم
- معلقتين زيت
- نص معلقة ملح
- نص معلقه صغيره فلفل اسود
- نص معلقة شطه حمرا
- نسخن الزيت على النار ونشوح فيه البصل لحد ما يتبل.
- نضيف التوم والفلفل الحامي ونقلب لحد ما الفلفل يترى.
- نصب صوص الطماطم.
- نهدي النار ونضيف التوابل.
- نسيبها الصلصه على النار لحد ما تغلي ونرفعها ونسيبها تبرد
خالص وبعدين نقدمها.